نزعوا بلد للخير كان عمران
شالوا المحبة بقلب كل انسان
نخروا الوطن من قبلنا لسنين
نخر الجزع من السوس والديدان
دور الأفاعي بالوطن لاعبين
سم الزعاف تبخ في كل أن
رهنوا وخسروا للوطن بائعين
لعبة مقامر خاسر وسكران
بخيبة أمل اكبر من التخمين
ضاع الوطن وضاعت السكان
وضاع ارث من المجد وارثين
وضاع ازدهار العيش يا لبنان
شربوا على نحروا سوية كاس
بحفلة خبر يتقاذفوا التخوين
وهج الأفكار يضيع الغفلان
يحيوا الدفائن من الماضي الدفين
يلمع لها كل خاطر ووجدان
يحرك مشاعر للاسى بانين
فقط لانه شد العصب قد حان
يخدم مصالح ناس قتالين
ما همهم نظرة لطفل حزنان
عيونوا من الألم والحزن دامعين
جائع وبائس من الفقر مرضان
ولا همهم عجائز بلا اكل جوعانين
ولا همهم الوالد العايش الحرمان
لايب على كسرة خبز مسكين
يطعم طفل بعمر خمس سنين
وطفلة كشمعة تذوب مالها معين
ما لقى حاله الا امام دكان
شاهر بيده عالفقر سكين
لياخذ لروح التاجر الفجعان
لمعوا عيونه لكل شيء واجدين
يركض ويصرخ عاليسار وعاليمين
يجمع السكاكر انواع مختلفين
لبيك يا ابني لا جوع بعد الان
لا مرض لا ضعف لا بكي لا انين
عاد البيت مسرع متفائل وفرحان
لكن يا خيبة أمل قد طول المشوار
ما سمع انين الاولاد في الدار
راس الابن على صدر اخته صار
وعيون شاخصة من الموت بارزين
انهار انتحر من جور هالايام
ماتوا ورقدوا من الأسى بسلام
ما اطيب الموت راحة للانام
تعليقات
إرسال تعليق