حبنا لضيعتنا من حبنا لبعضنا
.
..
يا ضيعتي المن منهلك شربان
محنًي كفوف الصبا بتربة اراضيكي
ما يوم منك كنت الا وانا رضيان
واذا اظهرتي الزعل لا بد راضيكي
صرنا انا وانت بهالكون صنوان
لسانك لساني انا عطول حاكيكي
مقدر جميلك كما مقدم لك الشكران
يا حاضنة أهالينا بتاريخ ماضيكي
مهما يتحامل على اهلك الزمان
الا الوفا والجود والحب يهدوكي
ومهما تعددت بسكانك الاديان
عروة بزر التقت محبة اهاليكي
سروج المودة اعتلوا عا ضهورها الفرسان
لجام التاخي اطلقوا بسباق تأخيكي
ويجمع الشمل التقى عا بيدر الايمان
وعيون حب وحلى باشواق ترميكي
كل ما يغيب البدر او بسماه يبان
تحلوا ليالي السمر وتحلوا لياليكي
ويزور الوادي قمر عالهدى خجلان
يوزع ابتسامة خجل
الهدوء عاطيكي
ادعوا الاه البشر الواحد الديان
لضيعتي من البلية والشر يحميكي
تعليقات
إرسال تعليق