:( خواطر بعنوان : ( طفل حزين )
اطفال م الدلع بتموت .. .اطفال م الشبع بتفوت .
. واطفال بتصرخ جبروت .مجاعه محتاجه لتابوت.
واللعب خيال اوربوت . لعبه صقر وعنكبوت
ناس وكبرت م الجشع . تنام تقوم ع الخدع
حاجه زادت م الصداع . فكرة خاليه للى باع
وناس كبيرها تتوجع. وناس راضيه تنخدع
. . طفل مولود اكبر جدع . شال مسؤليه اوبدع
طفل حلمه بيتسرق . لحظه ميلاده بينصرع.
امام عينيه بيتخلع .ارهاب ورعب بيتزرع
خطفوا ابوه زى الودع. بلقب شهيد زاهد ورع
. بدون رحمه شىء فظيع ميراث جدوده وحق ريع
خايف واماله مؤجله. نفسه ياخد تار ابوه.
ووطنه ويحرر اخوه . من كل شبر بيسرقوه.
من كل اللى بيحرموه. داسوا على حمله وباعوه
ضحوا بامانه وروعوه. حرموه من كلمه حنينه
يمكن فى ثانيه يعوضوه . فين احساس اللى اذوه
. ع الورق حفرواوسجدوه .سطروا وهم وكبلوه.
نهايه طفل بيصرخ الم. ولاحد بيبادلك شجن.
اوحتى بينزف انت فين ! ماضى مشرق والآنين.
كل المحن اساسها مين.! طمع وسارى من سنين.
حتى الايدين متغمسين. دم سايل كالرنين
تدمير لكل الشقينين. ملفوفين بدموع عجين
خيم على كل المحرومين . ملهوفين طول السنين
معدومين والجانى مين. محتل اوارهاب اثيم
صرخه حق وكان رصين .فرض على كل الآمنين
مصروف ولعبه ممنوعين . في ايدين المخدوعين
لافي ضمان ولاتامين. بسمه خاليه م الحنين
حلم غالي ومن سنين .ترجع اماني طفل حزين
بقلم محمد عباس معلم الاسماعيليه
تعليقات
إرسال تعليق