وحياتك ...
خسارة هالحلم لي عدا
عافرحة دقيقة ما هدا
صدى حكاياتو يهمسني...
دمعة مشتاقة........لخدا
# # #
عم بشحد وقتي يعطيني ..
شي لحظة تبرد حنيني
وحياتك روحي وعنيني ......
غيرك ماقشعوا حدا
شلحتلي الفرح عاغياب ....
بعدك هالجرح ماطاب
وحياتك يا غلى لحباب ....
عم ضبضب أيامي وعدا
# #
عاشفافي بتتنقوز حيرانة ..
بسمة لي علين علقانة
عاصدقي شقدا عتبانة ......
بدا الضحكة ومو قدا
عايشة بكذب عينيي ...
قال يعني ملهوف عليي
بخطوطا وحياتك إيدي ....
عادروبك دربي ودا
# #
عاكذبة بعدو منطرني .....
ليلية بدمعي مسهرني
ياقدر حاجي تحرمني ...
هالوحدة بيقتلي بردا
وجعتْ الحلم ت صار
بزهوة شبابو ختيار
عكازو ليل ونهار ......
ها ذكرى ل مرقتْ حدا
نرجس عمران
سورية
تعليقات
إرسال تعليق